بريدا براها ترتاح روحي كل ما أطراها ست البيت
قالت جارتا مجاوراها
تجي شايلة و تجي مزاوراها
تلحظ احتياجنا براها
نشكر سعيها بي وراها
ست البيت
ربنا بالجمال كافاها
لمن قال قوامها كفاها
المستوره مي تافاها
يا حلاة الكلام في فاها
ست البيت
راقية سكوتة من ميلادها
و مو سكاتاٌ تنوبو بلاده
نظيفة و منظمين أولادها
برضها عندي حلوة جلاده
ست البيت
تتلاصف سرور وجناتها
الرافلة الكتار حسناتها
طيبة عشرة مي غالاطه
ما سابت الشباب بناتها
ست البيت
و مابتحسب علي كلية
تكرم كل منسوب لي
أطوع من بناني الي
و أشفق من جناي علي
ست البيت
و ما قالت بقيت حبوبة
و تركت بوختا المحبوبة
لو جات من رياحها هبوبها
تحي عروقك المهبوبة
ست البيت
وان صابحتها و ماسيتا
طاعمة و ناعمة لو مسيتها
ما قاستني ما قاسيتها
و تشكر فضلي كل ما كسيتها
ست البيت
و مي العزاية دايما ساده
و مي الغبشة المغبرة حادة
و مي هي اللهفانة بي ورا المادة
دي اللي شبابها ديمة مواده
ست البيت
فاضي البال حليلا جنابو
و ماتغضبن لمس أشنابو
و لايوم...(في شئ مفقود هنا يا شباب)
دي الامثالاها نتغنيابو
ست البيت
لو كان يو الحبيب واصلني
الكريم العريض يوصلني
منها قط خلاف ما حصلي
بس أزعاحها لي قوم صلي
ست البيت
ليه ما أشكرها مطاوعاني
و حافظة لي متعتي و حافظاني
حاوية من الأنوثة معاني
و مهما أبقى مر بالعاني
ست البيت
ست البيت بريدا براها ترتاح روحي كل ما اراها.
[غناء مبارك حسن بركات]
ه
الموقع الرسمي للنشر منتديات المنار[ندعوك للتسجيل في المنتدى أو التعريف بنفسك لمعاينة هذه الصورة]ميدو